HeimNyheiterAlver held fram med strenge koronatiltak

Alver held fram med strenge koronatiltak

Det blir framleis stengte butikkar og påbod om heimekontor, men fleire moglegheiter for vaksne som ønskjer å trene.
Publisert: 12.02.2021
Sist endra: 12.02.2021

Regjeringa har justert dei regionale koronatiltaka. Frå måndag 15. februar skal innbyggjarane i Alver følgje tiltaka i kapittel 5D i den nasjonale Covid-19-forskrifta.

Tiltaka er i stor grad dei same som gjeld denne veka, men to ting blir lov i neste veke:

  • Treningssenter kan halde ope for innbyggjarar i Alver
  • Utandørs aktivitet for vaksne og organisert trening for toppidrettsutøvarar

Dei nye tiltaka gjeld i ei veke, til og med måndag 22. februar.

– Sjølv om smittesituasjonen i Alver er uforandra, blir vi påverka av og må forhalde oss til det som skjer i Bergen. Når Bergen justerer tiltaka sine, må vi justere tilsvarande, forklarar ordførar i Alver, Sara Hamre Sekkingstad.

Ho ber innbyggjarane om å hjelpe og støtte kvarandre.