Søk barnehageplass for 2024/2025
For å ha rett til barnehageplass må du:
- Bu i kommunen.
- Søke barnehageplass innan fristen for hovudopptaket som er 1. mars.
Dersom barnet ditt fyller eitt år i august, september, oktober eller november, har du rett på plass frå den månaden barnet ditt fyller år.
Hovudopptaket skjer i perioden frå mars til juni. I denne perioden kan du ikkje endre på søknaden.
Kommunen prioriterer å gi plass til følgjande barn i hovudopptaket:
- Barn med nedsett funksjonsevne.
- Barn med vedtak etter lov om barnevernstenester §§ 4-12 og 4-4 andre og fjerde ledd.
Søker du plass til eit barn med rett til prioritet? Hugs å legge ved dokumentasjon i søknaden innan søknadsfristen 1. mars.
Kva kostar ein barnehageplass?
Frå 1. januar 2024 er maksimalpris for ein barnehageplass 3.000 kroner per månad. Matpengar kjem i tillegg.
Du kan få redusert pris dersom du har fleire barn i barnehagen (søskenmoderasjon) eller har låg inntekt.
Trykk her for informasjon om reglane for redusert foreldrebetaling i barnehage.